Non é por discutir unha vez máis sobre o mesmo, pero imos ver unha cousa, é distinto xogar contra o Arenteiro que contra o Bande, igual que é distinto xogar contra o Celta que contra o Alavés. Para que unha presión funcione precísase que un dos equipos intente facer fútbol de toque. Por que se viu tan bo partido en Espiñedo? porque os dous equipos xogaron ao fútbol e deixaron xogar ao rival, ese é o seu estilo. Por que fomos superiores en Bande? porque eles baixaron fisicamente no segundo tempo, ou acaso fomos superiores no primeiro?, o outro día no Couto non baixaron nada. Un dato, en Bande, no segundo tempo, cando tiñan un córner ou falta deixaban atrás a liña de catro e dous medios, o outro día só deixaban os dous marcadores e o que libra, así qiue non só estaban ben fisicamente senón que ademais o sabían. Entre iso e que nos faltaban determinados xogadores era moi difícil que o equipo xogase ben. Iso si, se nalgún campo pequeno en mal estado somos nós os que buscamos fútbol directo porque non se pode xogar, entón tamén nos queixamos. Que queremos? estaría ben que nos decidísemos. O Bande só quere a pelota para xogala cando a recupera en 3/4, o propio adestrador o ten falado en entrevistas. Mentres poidan xogar a presionar, roubar e xogar á contra vailles ir ben, incluso en Preferente, outra cousa será cando ao mellor se atopen a 8 xornadas da fin da liga e precisen ir a, que sei eu, Porriño, e teñan que ganar obrigatoriamente, neses partidos onde teñan que levar a iniciativa é onde van ter problemas. Francamente, estou moi canso de que se fale do bos que son tacticamente os Mourinho, Simeone e demáis, mentres que cando ganan os Guardiola, Zidane ou Quique Setién é polos xogadores. Agora ben, se preferides o primeiro tipo de adestrador, ala vós, no Couto con C.D. Ourense xa houbo varios, e non lembro nin que me divertira nin que os resultados fosen mellores que cos outros. Saúdos.
Votación cerrada