Estiven escoitando a tertulia e fixeches un bo resumo, Unionista79.
Bo detalle o do presidente do Bande ofrecendo o campo, aínda que non sexa factible. Este ano creo que intentamos adestrar algún día en Velle e todo foron problemas, e iso que o campo é municipal.
O que deixa caer o presidente é que se vai cambiar de adestrador por suposto cansancio do público. Eu diría que é máis que posible, tal como o expresou é seguro. Particularmente non o entendo, cambiar de adestrador cando o equipo cumpre o obxectivo con 6 xornadas de adianto e fai o 85% dos puntos resúltame inexplicable. É certo que algúns afeccionados critican o xogo do equipo, nos foros dos partidos pódense ler algunhas desas críticas, pero non entendo que se lle aplique un raseiro máis alto ao Ourense que o propio R. Madrid. Onte estiven vendo un rato do Leganés-R.Madrid, se lle aplicamos algún dos criterios que se puideron ler o outro día polo partido na Peroxa, Zidane non remata a temporada. Por non falar do Dépor-Granada, no rato que vin o Dépor non deu dous pases seguidos, e o Granada, estando a 8 puntos da salvación e con 0-0, perdía tempo. E estamos a falar de fútbol súper profesional. Creo que a directiva debería ter un punto de análise e de obxectividade maior que a dun siareiro calquera, senón mal asunto. Cal vai ser o raseiro para o vindeiro adestrador?, catro primeiros?, se nas primeiras xornadas o equipo non se adapta e perdemos partidos, botámolo xa? Paréceme un precedente absurdo e sen ningún tipo de lóxica, o de cambiar porque "o público quere ver outras caras" sóame, gardando as distancias, ao de cesar a Del Bosque despois de ganar a champions porque había que "actualizar el librillo". En fin, xa veremos como sae todo.
Votación cerrada